Nitrogliserien

Nitrogliserien is 'n bekende plofstof, wat ook mediese toepassings het. Dit is 'n chemiese stof met die formule Sjabloon:Chem en is die drievoudige ester van gliserol met salpetersuur.

Vervaardiging

Soos ander organiese nitrate kan nitogliserien vervaardig word uit gliserol met nitreersuur, 'n mengsel van salpeter- en swaelsuur:

$2H_{2}S{O}_4+HN{O}_3\to N{O}_2^{+}+H_3{O}^{+}+2HS{O}_4^{-}$

$3N{O}_2^{+}+C_3{H}_5(OH{)}_3\to C_3{H}_5(ON{O}_2{)}_3+3H^{+}$

Dit moet egter baie versigtig gebeur en die temperatuur moet beheer word om verder oksidasie van die alkohol te verhoed.

Gebruik as plofstof

In 1864 het Alfred Nobel nitrogliserien as 'n plofstof, wat agt keer kragtiger is as buskruit, op die mark vrygestel. Hy het dit as die onstabiele vloeistof in sink vervoer wat tot groot probleme gelei het. In 1867 het hy patent aangevra vir 'n mengsel van nitrogliserien met diatoomaarde wat hy dinamiet genoem het. Dit het die produk veilig gemaak.