Erbium(III)fluoried

Erbium(III)fluoried is 'n anorganiese chemiese verbinding van erbium met fluoor.

Erbium(III)fluoried kan verkry word deur erbium met fluoor te laat reageer.

$2Er+4F_2\to 2Er{F}_3$

Alternatiewelik kan dit ook verkry word uit erbium(III)chloried, erbiumoksied of erbiumsulfied deur dit met waterstoffluoried te laat reageer.

Erbium(III)fluoried is 'n reuklose pienk vaste stof wat in water onoplosbaar is.

Kristalstruktuur

Dit het 'n ortorombiese kristalstruktuur met die ruimtegroep Pnma (nr. 62). Hierdie struktuur behoort tot die Sjabloon:Beta-Sjabloon:Ch2-tipe. Bo 1117 °C of by hoë druk vind 'n verandering in die kristalstruktuur plaas. Hierdie struktuur is trigonaal en behoort tot die Sjabloon:Alfa-Sjabloon:Ch2-tipe (PSjabloon:Bostreepm1}} (164).

Eienskappe

Die Er3+-ioon vertoon effektiewe luminesensie in die sigbare (blou, groen, rooi) en infrarooi gebiede (rondom 1,5 μm) van die spektrum. Dit het 'n wye bandgaping (>7 eV) en 'n lang resstraalgolflengte (>20 μm). Dit is deursigtig van die diep ultraviolet tot die langgolf infrarooi. Hierdie eienskappe maak dit 'n belowende optiese materiaal. Die afsnygolflengte van erbiumfluoried-bevattende fluoriedglas in die infrarooi kan 21 μm bereik, wat beteken dat dit as 'n infrarooideurlatende materiaal gebruik kan word.

Gebruike

Erbium(III)fluoried word as 'n dopingmateriaal (byvoorbeeld in fluoriedglase) in optiese vesels, versterkers en lasers gebruik vanweë sy sterk fluoressensie in die infrarooi gebied. Dit word ook as 'n tussenproduk gebruik om erbium te produseer.