Distikstoftrioksied

Distokstoftrioksied is 'n chemiese verbinding van stikstof en suurstof met formule Sjabloon:Chem. Dit is die anhidraat van nitroësuur.

Die eerste chemikus wat dit vervaardig het, is Gay-Lussac in 1816. Dit is 'n giftige en reaktiewe gas wat onder ligte druk 'n vloeistof vorm. By 'n temperatuur laer as -100,1 °C is dit 'n ligteblou vastestof wat smelt tot 'n diepblou vloeistof. By 'n temperatuur van omtrent 0 °C kry dit 'n groen kleur omrede daar in hierdie vloeistof 'n ontbindingsewewig plaasvind:

$N_2{O}_3\rightleftharpoons NO+N{O}_2$

en

$2N{O}_2\rightleftharpoons N_2{O}_4$

Die tetroksied is gelerig en saam met die blou kleur gee dit groen.

Die stof reageer met water en vorm nitroësuur. Hierdie reaksie is in ewewig:

$2HN{O}_2\rightleftharpoons N_2{O}_3+H_{2}O$

Die ewewigskonstante

$K=\frac{[N_2{O}_3]}{[HN{O}_2{]}^2}\approx 3,0x10^{-3}$

Sjabloon:Chem kan uit NO en Sjabloon:Chem by -20 °C vervaardig word. 'n Ander metode is om 1:1 verdunde salpetersuur op arseen(III)oksied te drup teen 70 °C:

$2HN{O}_3+2H_{2}O+A{s}_2{O}_3\to N_2{O}_3+2H_{3}As{O}_4$

Distikstoftrioksied kan gebruik word om nitrosielsoute van sterk sure te vervaardig, soos Sjabloon:Chem, Sjabloon:Chem of Sjabloon:Chem