Relatiewe snelheid

’n Voorstelling van die relatiewe snelheid tussen twee deeltjies.

Die relatiewe snelheid ${\overrightarrow{v}}_{\mathrm{B}\mathrm{A}}$ (ook ${\overrightarrow{v}}_{\mathrm{B}/\mathrm{A}}$ of ${\overrightarrow{v}}_{\mathrm{B}\mathrm{r}\mathrm{e}\mathrm{l}\mathrm{A}}$) is die snelheid van ’n voorwerp of waarnemer, B, in die russtelsel van ’n ander voorwerp of waarnemer, A. As dit konstant is,

${\overrightarrow{v}}_{\mathrm{B}\mathrm{A}}=-{\overrightarrow{v}}_{\mathrm{A}\mathrm{B}}$

waar ${\overrightarrow{v}}_{\mathrm{A}\mathrm{B}}$ die snelheid van A in die russtelsel van B is.

As albei voorwerpe of waarnemers beweeg, is die relatiewe snelheid nie noodwendig dieselfde as die verskilsnelheid nie.

Voorbeeld 1: Jannie en Sannie ry in dieselfde rigting. Jannie se snelheid is 90 km/h en Sannie s’n 110 km/h. As ons aanneem Jannie se snelheid is ${\overrightarrow{v}}_B$ en Sannie s’n ${\overrightarrow{v}}_A$, dan is

${\overrightarrow{v}}_{A\mathrm{r}\mathrm{e}\mathrm{l}B}=110-90=20\text{ km/h.}$

Dit is die snelheid wat deur Jannie waargeneem word. Jannie sien dat Sannie teen 20 km/h ry.

Voorbeeld 2: Jannie en Sannie ry in teenoorgestelde rigtings. Jannie se snelheid is 90 km/h en Sannie s’n 100 km/h. As ons aanneem Jannie se snelheid is ${\overrightarrow{v}}_B$ en Sannie s'n ${\overrightarrow{v}}_A$, dan is

${\overrightarrow{v}}_{A\mathrm{r}\mathrm{e}\mathrm{l}B}=100-(-90)=190\text{ km/h.}$

Let op dat Jannie se snelheid negatief is, want hy ry in die teenoorgestelde rigting as Sannie. Dus:

${\overrightarrow{v}}_{A\mathrm{r}\mathrm{e}\mathrm{l}B}=100+90=190\text{ km/h.}$

Dit is die snelheid wat deur Jannie waargeneem word. Jannie sien dat Sannie teen 190 km/h ry.

Eksterne skakels

• Relatiewe beweging by HyperPhysics
• ’n Java-app wat relatiewe snelheid illustreer, deur Andrew Duffy
• Hierdie artikel is vertaal uit die Engelse Wikipedia